Я - грамадзянін Беларусі


- Республиканская патриотическая акция "Я - грамадзянін Беларусі" [72,28 Kb] (cкачиваний: 95)

- Методические рекомендации по проведению республиканской патриотической акции "Я - грамадзянін Беларусі"
[72,28 Kb] (cкачиваний: 95)

- Избирательное законодательство по выборам Президента Республики Беларусь
Порядок выборов Президента РБ.
Выборы Президента Республики Беларусь являются свободными и проводятся на основе всеобщего, равного и прямого избирательного права
ИЗБИРАТЕЛЬНЫЙ КОДЕКС РЕСПУБЛИКИ БЕЛАРУСЬ
11 февраля 2000 г. № 370-З

-------------------------------------------------------------------------------------


-------------------------------------------------------------------------------------

МЕТАДЫЧНЫЯ РАСПРАЦОЎКІ


Інфармацыйная гадзіна " Дзяржаўныя сімвалы Рэспублікі Беларусь".

Мэта: замацаваць веды вучняў пра сімвалы дзяржавы: сцяг, герб, гімн
Задача: фарміраваць паважныя адносіны да дзяржаўнай сімволікі РБ.
Ход занятка
І. Арганізацыйны момант.
ІІ. Вучні чытаюць верш У.Карызны “Беларусь мая сінявокая”.


Неба чыстае і глыбокае
І бярозавы ціхі гай –
Беларусь мая сінявокая,
Беларусь мая, родны край!
У густых садах ты красуешся,
Сілай поўная маладой,
У агнях уся ярка свецішся,
Разліваешся збажыной.
Славай слаўная ты быліннаю,
Залатою сваёй красой,
Майскай песняю салаўінаю
І вясёлкамі над ракой…
Неба чыстае і глыбокае
І бярозавы ціхі гай –
Беларусь мая сінявокая,
Беларусь мая, родны край!

Настаўнік: - Дарагія дзеці! Мы з вамі жывём у цудоўнай краіне з прыгожай назвай –Беларусь! Рэспубліка Беларусь – незалежная, суверэнная дзяржава. Як і ўсе незалежныя дзяржавы,Беларусь мае дзяржаўныя сімвалы – гімн, герб і сцяг. У артыкуле 19 раздзела І Канстытуцыі Рэспублікі Беларусь (Асноўнага Закона нашай краіны) запісана: ”Сімваламі Рэспублікі Беларусь як суверэннай дзяржавы з’яўляюцца яе Дзяржаўны сцяг, Дзяржаўны герб і Дзяржаўны гімн”. Знаёмству з імі будзе прысвечана наша мерапрыемства.
С Ц Я Г


1 вучань.
Дзяржаўны сцяг РБ уяўляе сабой прамавугольнае палотнішча,якое мае дзве гарызантальна размешчаныя паласы: верхнюю – чырвонага колеру і ніжнюю – зялёнага. Каля дрэўка вертыкальна размешчаны арнамент чырвонага колеру на белым полі.
2 вучань. Чырвоны колер са старажытных часоў з’яўляецца знакам Сонца. Ён сімвалізуе роднасць і братэрства. Чырвоны колер звязаны таксама з барацьбой за свабоду і справядлівасць. Гэта знак перамогі і шчаслівага жыцця.
3 вучань. Зялёны колер – колер дабра і міру. Гэта колер прыроды, зялёнай расліннасці палёў,лясоў,лугоў. Ён заўсёды азначаў вясновае абуджэнне прыроды пасля доўгага зімовага сну.
4 вучань. Белы колер – колер свабоды. Ён пераклікаецца з назвай нашай краіны – БЕЛАРУСЬ. Белы колер азначае таксама гасціннасць, добразычлівасць і мудрасць жыхароў Беларусі.
Г Е Р Б


1 вучань.Дзяржаўны герб РБ змяшчае геаграфічны абрыс нашай краіны, накладзены на залатыя промні ўзыходзячага над зямным шарам сонца. Зверху знаходзіцца пяціканцовая чырвоная зорка. Герб абрамлены вянком з залатых каласоў, пераплеценых справа кветкамі канюшыны, злева –ільну. Каласы, абвітыя чырвона – зялёнай стужкай, на якой унізе змешчаны надпіс золатам:”Рэспубліка Беларусь”.
2 вучань. Зямны шар – знак таго, што РБ – адна з дзяржаў у свеце.
3 вучань. Яднанне Зямлі і Сонца – галоўны знак жыцця. Гэтыя выявы на гербе адлюстроўваюць традыцыі нашых продкаў, якія пакланяліся багіні – маці Зямлі і ўзыходзячаму Сонцу. Сімвалы Зямлі і Сонца адзначаюць таксама надзею сучасных людзей на росквіт Беларусі.
4 вучань. Пяціканцовая зорка на гербе – знак бяспекі, мужнасці і высокіх памкненняў. Азначае гатоўнасць кожнага жыхара да абароны сваёй Радзімы.
5 вучань. Склад вянка ў нашым гербе таксама невыпадковы.Усё тут сімвалізуе працу і багацце. Вянок спрадвеку выкарыстоўваўся як узнагарода пераможцу.
Г І М Н

Настаўнік: - Дзяржаўны гімн транслюецца беларускімі тэле – і радыёканаламі ў навагоднюю ноч, кожны дзень у 6 гадзін раніцы і ноччу ў 24 гадзіны.
На Алімпійскія гульні з’язджаецца многа людзей – спартсмены,трэнеры,проста турысты.Праводзіцца ўрачыстае адкрыццё, і затым мацнейшыя спарсмены планеты спаборнічаюць.На ўрачыстай цэрэмоніі ў гонар спартсменаў,заняўшых прызавыя месцы, паднімаюцца сцягі іх дзяржаў. А ў гонар таго, хто заняў першае месца, выковаецца гімн яго краіны.
Пры выкананні дзяржаўнага гімна людзі ўстаюць і слухаюць яго моўчкі ці прыгожа і ўрачыста спяваюць.
(Праслухоўваецца запіс гімна РБ)


ГУЛЬНЯ “ ЗНАЙДЗІ СЦЯГ РБ “
У свеце існуе больш за 200 краін. Кожная краіна мае свой сцяг. Знайдзіце сярод сцягоў – сцяг нашай краіны.
КРЫЖАВАНКА “ МАЯ РАДЗІМА – БЕЛАРУСЬ”
1,3,4 -Дзяржаўныя сімвалы Р Б
2 – Асноўны закон РБ
5 – Прэзідэнт РБ
6,8,12,14,17,18, - Вобласці РБ
7 – Хто за …………..гарой, той сапраўдны герой.
9 – Сталіца РБ
10 – Беларусь – край блакітных ……..
11 – Беларусь дасталася нам ад нашых бацькоў. А ім ад іхніх бацькоў – нашых дзядоў. Таму Беларусь называюць …………….
13, 16 – Вядомыя беларускія пісьменнікі, якім споўнілася 130 гадоў з дня нараджэння.
15 – Беларускі першадрукар


Класны кіраўнік Магілевіч З.В. СКАЧАТЬ [1,02 Mb] (cкачиваний: 92)

-------------------------------------------------------------------------------------


Класная гадзіна (10 клас) "Я – грамадзянін Рэспублікі Беларусь".
Мэта: выхаванне ў вучняў нацыянальнай самасвядомасці праз асэнсаванне нацыянальных каштоўнасцей, традыцый, творчай і сацыяльнай самарэалізацыі кожнага вучня.
Задачы:
- садзейнічаць фарміраванню сацыяльнага аптымізму, выхаванню патрыёта і грамадзяніна;
- дапамагчы вучням на канкрэтных прыкладах усвядоміць сувязь мінулага з сучасным;
- стварыць умовы для развіцця нацыянальнай культуры, станаўлення важнейшых якасцей асобы.
Эпіграф: Зямля бацькоў – цудоўная зямля.
Пашчасціла і мне тут нарадзіцца.
Да скону дзён, і зблізку, і здаля
Табою, любы край, мне ганарыцца!

Таіса Трафімава

Ход урока:
І. Стварэнне эмацыянальнага настрою
За парты зноў паклікаў нас
Званок – жаўрук вясёлы.
Дзень добры, родны, светлы клас!
Дзень добры, маці- школа!
Л. Чыркунова
1. Добры дзень, дарагія дзясяцікласнікі! Я віншую вас з пачаткам новага навучальнага года і вітаю тых, хто з задавальненнем ішоў у школу, тых, у каго добры настрой, тых, хто гатовы вучыцца, тых, хто хоча атрымліваць добрыя адзнакі.
2. Садзейнічаць фарміраванню сацыяльнага аптымізму, выхаванню патрыёта і грамадзяніна – такая мэта сённяшняга ўрока, назва якому “Я – грамадзянін Рэспублікі Беларусь”
3. Эпіграфам да нашай тэмы з’яўляюцца словы Таісы Трафімавай (зачытаць). Я хацела б, каб у канцы ўрока кожны з вас прадоўжыў гэтыя радкі.
ІІ. Праца па тэме ўрока
1.“Мазгавы штурм”
Хто такі грамадзянін? Запішыце, калі ласка, як вы разумееце значэнне гэтага слова.
2. Падвядзенне вынікаў “мазгавога штурму”
Слова “грамадзянін” ужываецца ў розных значэннях:
- жыхары краіны, якія маюць права грамадзянскасці;
- гэта чалавек, які мае правы і абавязкі, не парушае законы і адказвае за свае ўчынкі;
- гэта чалавек, думкі і ўчынкі якога накіраваны на карысць Айчыне, на карысць свайго народа.
3.Выразнае чытанне вершаў пра Беларусь, якія напісалі выпускнікі нашай школы.
а) Твае азёры ззяюць сінявой,
Твае аблокі песцяцца ў блакіце.
Я чую голас твой у песні салаўёў,
Ты мне мілей за ўсё на белым свеце.
О Беларусь, ты зведала нямала
Нянавісці варожай, беднаты,
Знявагі да сябе, чужой навалы,
І горкіх слёз, і плачу сіраты.
Не пакарылася нікому, адстаяла
Прастор палёў, і рэкі, і лясы,
Перамагла, з кален сагнутых устала,
Каб вольнай быць і чыстай назаўжды.
Хай не змаўкае птушак гоман звонкі
І ціхае журчанне ручая!
І ты навек застанься сінявокай,
Такой, якой запомніў цябе я!

Касьян Юлія

б) Беларусь мая сінявокая, краіна святла жураўліная!
Нідзе лепшай старонкі не стрэну.
Павер, у мяне ты адзіная.
Ты – адзіная,
непаўторная,
любімая,
нескароная.
Над табой прашумелі злыя нягоды,
І вятрыскі войнаў зламалі твае каласы.
З сівога попелу, з чорнай нядолі
Мы ўзняліся, паўсталі да новае долі
І жыццё адрадзілі на роднай зямлі.
Адрадзілі для песні, для шчаслівага заўтра,
Адрадзілі для чыстай расы на траве,
І для звону крыніцы,
І для звону званіцы,
Што як стражы стаяць над Радзімай маёй.
Беларусь мая сінявокая, краіна святла жураўліная!
Нідзе лепшай старонкі не стрэну .
Павер, у мяне ты адзіная.

Сайко Таццяна

4. Якім пачуццём аб’яднаны гэтыя вершы?
5. Патрыятызм – гэта пачуццё любові чалавека да сваёй Айчыны, нацыі, адданасць краіне, у якой жывеш, павага да дзяржаўных сімвалаў
6. Прадоўжыце сказ - Патрыятызм праяўляецца:
- у любові да сваёй Айчыны;в любви к своему Отечеству;
- у любові да культуры сваёй нацыі, свайго народа;
- у гонары за свой народ, нацыю, за іх лепшыя якасці;
- у любові да сваёй малой радзімы, дзе нарадзіўся і правёў першыя гады жыцця;
- у жаданні працвітання Радзімы;
- у дзейнасці на блага Радзімы, адраджэнні і развіцці яе духоўнай і матэрыяльнай культуры;
- у выкананні грамадзянскага абавязку;
-у гатоўнасці ахоўваць і абараняць сваю краіну;
- у павазе да ветэранаў – абаронцаў Айчыны, гераічных подзвігаў сваіх бацькоў і дзядоў.
7. Навучыць патрыятызму, як вучаць матэматыцы, геаграфіі, нельга. Пачуццё Радзімы – не завучванне пэўных правіл. Гэта пачуццё пранікае ў нас разам з малаком маці. Гэта паветра, якім мы дыхаем, сонца, якое мы бачым, дом, у якім мы жывём.
“ Жывёлы, якія ходзяць у пустыні, ведаюць ямы свае, птушкі, якія лятаюць у паветры, ведаюцьгнёзды свае, рыбы, якія плаваюць па моры і ў рэчках, чуюць віры свае, пчолы і ім падобныя бароняць вуллі свае. Таксама і людзі, дзе нарадзіліся і ўскормлены былі, да таго месца вялікую ласку маюць”. Гэта словы нашага славутага земляка, вялікага беларуса Францыска Скарыны. Безумоўна, любоў да Радзімы мае перадумовай веданне мінулага свайго народа – яго перамог і паражэнняў, здабыткаў і страт, яго герояў, мысліцеляў, вялікіх майстроў, помнікаў духоўнай і матэрыяльнай культуры. Цікавасць да даўніны мае духоўны характар, яна караніцца ў сутнасці чалавека, жыццё якога вельмі кароткае, але чый розум жадае агарнуць неахопны час, зазірае ў будучыню і пранікае ў мінулае.
У народзе кажуць, што чалавек, які не ведае свайго мінулага, не мае права на будучае. Толькі дрэва з моцнымі каранямі можа і будзе жыць доўга.
Гісторыя – гэта і ёсць нашы карані…
Зараз давайце разам упэўнімся ў тым, што мы добра ведаем гісторыю сваёй краіны, імёны людзей, якія яе праславілі і якімі мы ганарымся па праву.
8. Якія падзеі, што адбываліся на тэрыторыі нашай краіны, вам запомніліся і чаму?
- Утварэнне ВКЛ- каля 1240 г. – ас. Міндоўг, Ягайла, Вітаўт;
- Грунвальдская бітва (супраць Ордэна крыжаносцаў)– 15 ліпеня 1410 г.: пасля яе на працягу пяці стагоддзяў, да 1914 года, на землі Беларусі і Літвы не ступаў узброены немец, пасля гэтай бітвы з Польшчай і ВКЛ мусіла лічыцца Еўропа – ас. Вітаўт, Ягайла;
- паўстанне 1863-1864гг.- ас.Кастусь Каліноўскі, Валерый Урублеўскі, Рамуальд Траўгут і інш.;
- ВАВ;
- набыццё незалежнасці ў 1991 г. і інш..
9. Назавіце імёны тых, хто, на вашу думку, сваёй дзейнасцю садзейнічаў праслаўленню, развіццю Беларусі.
(Вітаўт – пры ім ВКЛ дасягнула росквіту, развівалася бел.мова; Мікола Гусоўскі – аўтар ,, Песні пра зубра”; Скарына – першадрукар, у Празе надрукаваў першую кнігу на беларускай мове; Сымон Будны; Сімяон
Полацкі; Еўфрасіння Полацкая – асветніца, мецэнатка, першая беларуская святая; Якуб Колас, Янка Купала, Максім Багдановіч, Уладзімір Караткевіч і інш. пісьменнікі; Мінай Філіповіч Шмыроў (Бацька Мінай) – кіраўнік партызанскага атрада, Герой Савецкага Саюза; Марат Казей – юны партызан, Герой Савецкага Саюза; Пётар Міронавіч Машэраў – партыйны і дзяржаўны дзеяч Беларусі, арганізатар і кіраўнік патрыятычнага падполля і партызанскага руху на Беларусі ў час ВАВ, Герой Савецкага Саюза, Герой Сацыялістычнай Працы, пасля вайны – з 1965 г. першы сакратар ЦК Кампартыі Беларусі; Пётар Клімчук – лётчык-касманаўт, двойчы герой Савецкага Саюза; Уладзімір Кавалёнак – лётчык-касманаўт, двойчы герой Савецкага Саюза і іншыя).
10 . Час не стаіць на месцы, вось вы ўжо ў 10-м класе. Зусім хутка вас назавуць выпускнікамі і вы пойдзеце ў дарослае жыццё, якое адрозніваецца ад свету дзяцінства. І перш за ўсё – вашай поўнай і свядомай адказнасцю за кожны зроблены крок.
Жыццё не дзіцячая забава, дзе, раскідаўшы цацкі, заўсёды ўсё можна пачаць спачатку. Ні адно яго імгненне, на жаль, нельга вярнуць, пражыць па-новаму. Хаця часам так хочацца…
У гэтым новым, дарослым жыцці вы будзеце адказваць не толькі за сябе. У вашых руках будучае ўсяго нашага грамадства.
11. Практыкаванне «Я - патрыёт»
Складзіце ўяўленне пра сябе як патрыёта, ацэньваючы (па пяцібальнай шкале) рад якасцей вобраза «Я-патрыёт».

* грамадзянін Беларусі
* патрыёт свайго народа
* інтэрнацыяналіст
* гонар за сваю Айчыну
* готоўнасць да абароны Беларусі
* павага да айчыннай гісторыі
* вера ў будучыню Беларусі


12. Я ўпэўнена, што кожны з вас не раз марыў пра тое, якое будучае ў яго наперадзе, уяўляў яго па-свойму. Спадзяюся, што вы ўсе бачыце сваё будучае на Радзіме. ,, Нашы мэты высакародныя. Нашы перспектывы ясныя і зразумелыя. І я ўпэўнены, што кожны грамадзянін нашай краіны, увесь беларускі народ будзе працаваць так, каб кожны з нас мог сказаць: я люблю сваю сям’ю, я ганаруся сваёй Радзімай, і я шчаслівы, што жыву і буду жыць і працаваць у Беларусі!”- гэтыя словы належаць А. Р.
Лукашэнку, Прэзідэнту нашай краіны.
13. Якім жа ўяўляеце будучае Беларусі і сваё будучае вы, сённяшнія яшчэ школьнікі, але ў хуткім часе выпускнікі школы?
Будучае Беларусі
Маё будучае

(Першая прапаную варыянты: будучае Беларусі – незалежнасць, маё будучае – мае дзеці. Коратка патлумачу свой выбар. ,, Незалежнасць – гэта найвышэйшая мэта, да якой ідуць народы, той кумір, якому ў ахвяру аддаюць яны сваіх лепшых сыноў”, - словы Аркадзя Смоліча,беларускага вучонага і грамадскага дзеяча. Вучні па чарзе прапануюць свае варыянты і тлумачаць свой выбар).
14. Як вы лічыце, ці ёсць сувязь паміж вашым будучым і будучым Беларусі? Калі ёсць, то якая?
(Выказванні вучняў).
ІІІ. Падвядзенне вынікаў
Рэфлексія
а) Звернемся яшчэ раз да эпіграфа. Ці згодны вы са словамі паэткі? Чаму?
(выказванні вучняў)
б) Выразнае чытанне верша настаўнікам
Калі імглістае крыло
Нахіліць цемра над табою,
Ты не здавайся ёй без бою
І ведай: вернецца святло.
Ты верыш – значыцца жывеш,
Табе стае натхнення, сілы,
Пакуль з табой навечна родны
Край, які Айчынаю завецца.

Н. Гальпяровіч

Класны кіраўнік Шкодзіч Ж.В. СКАЧАТЬ [77 Kb] (cкачиваний: 76)
Витрина ссылок

СШ №2 имени Н.П. Массонова г.Свислочь

СШ №3 г.Свислочь

Новодворская СШ

Порозовская СШ

Гринковский УПК

Корнадский УПК

Вердомичский УПК

Центр туризма и краеведения

Сайт физиков

ПОГОДА В СВИСЛОЧЬ
Навигация по сайту
 
Календарь новостей
«    Май 2017    »
ПнВтСрЧтПтСбВс
1234567
891011121314
15161718192021
22232425262728
293031 
 
Ответьте на вопрос

Платные образовательные услуги по какому предмету Вы хотели бы получать в школе?

Русский язык
Белорусский язык
Немецкий язык
Математика
Информатика
Физика
История
География
Химия
Музыка
ИЗО
Труд
 
Besucherzahler Хоневичская СШ
счетчик посещений
Праздники Беларуси Международные праздники